Сайта кӗр | Регистраци | Сайта кӗрсен унпа туллин усӑ курма пулӗ
 -1.7 °C
Шаланкӑ шыв кӑларать, ула курак пырса ӗҫет.
[ваттисен сӑмахӗ: 2507]
 

Хыпарсем: Патӑрьел районӗ

Пӑтӑрмахсем
"Контактри" сӑн
"Контактри" сӑн

Утӑ уйӑхӗн 20-мӗшӗнче каҫхи 11 сехетре Елчӗк округӗнчи «Яманчӳрел - Исемпел» ҫул ҫинче иномарка кювета чӑмнӑ. Машина ҫырманах анса кайнӑ.

20 ҫулти пассажир ҫавӑнтах вилнӗ. Водителе, 2003 ҫулта ҫуралнӑскере, пульницӑна илсе ҫитернӗ. Унӑн сывлӑхӗ питӗ йывӑр.

Ҫак икӗ ҫамрӑк - Патӑрьел округӗнчи Шӑнкӑртам ялӗнчен. Халӗ ӗҫ-пуҫа уҫӑмлатаҫҫӗ. Малтанлӑха пӗлтернӗ тӑрӑх, авари пысӑк хӑвӑртлӑхпа пынӑран пулнӑ.

Хыпар ҫӑлкуҫӗ: https://vk.com/wall-143818234_388088
 

Культура
batyr.cap.ru сӑнӳкерчӗкӗ
batyr.cap.ru сӑнӳкерчӗкӗ

Патӑрьел тӑрӑхӗнче ҫак кунсенче Пӗтӗм тӗнчери Кокель пленэрӗ иртет. Вӑл утӑ уйӑхӗн 4-мӗшӗнче уҫӑлнӑ, ыран вӗҫленӗ.

Пленэра Чӑваш Енри ҫеҫ мар, ҫӗршывӑн тӗрлӗ регионӗнчи (Мордва, Тутарстан, Пушкӑртстан, Мари Эл республикисенчи, Мускаври тата Хабаровск тӑрӑхӗнчи, Беларуҫри художниксем килсе ҫитнӗ. Вӗсем Турхан тӑрӑхӗнчи илеме хут ҫине куҫараҫҫӗ.

Кун пек пленэр 17-мӗш хут иртет. Турхан ялӗ — чӑвашсен профессиле сӑнарлӑ ӳнерне пуҫарса яракан Алексей Кокелӗн тӑван ялӗ.

 

Пӑтӑрмахсем
cap.ru сайтри сӑн
cap.ru сайтри сӑн

Ӗнер, утӑ уйӑхӗн 7-мӗшӗнче, каҫ енне Патӑрьел округӗнчи Ҫӗньялта ҫын путса вилнӗ. Арҫыннӑн виллине водолазсем тупса ҫыран хӗррине илсе тухнӑ.

Утӑ уйӑхӗн 6-мӗшӗнче вара Муркаш округӗнчи Ятман ялӗнчи пӗвере 55 ҫулти арҫын шыва кӗнӗ чухне путнӑ. Атӑл леш енчи санатори ҫывӑхӗнче икӗ ҫамрӑкӑн пурнӑҫӗ татӑлнӑ. Унта 19-ти тата 21 ҫулти студентсем путса вилнӗ.

Палӑртмалла: ҫулталӑк пуҫланнӑранпа республикӑра 21 ҫын путса вилнӗ. Вӗсенчен виҫҫӗшӗ – ачасем.

 

Персона
Дмитрий Краснов министр
Дмитрий Краснов министр

Паян пирӗн ҫӗршывра Ҫемье, юрату тата шанчӑклӑх кунне уявлаҫҫӗ. Чӑваш Енӗн экономика министрӗ Дмитрий Краснов уява халалласа пост вырнаҫтарнӑ.

«Кам-ха маншӑн юратупа шанчӑклӑх идеалӗ? Анне — врач, атте —учитель. Патӑрьел районӗнчи пӗр ялта ҫуралса ӳснӗ. Анне Чӑваш патшалӑх университетне вӗренсе пӗтернӗ, участокри врачра, терапевтра, пӗтӗмӗшле практика врачӗнче ӗҫленӗ. Атте ЧППУра вӗреннӗ, Шупашкарти шкулсенче физкультура учителӗнче, ял хуҫалӑх академийӗнче физвоспитани кафедринче ӗҫленӗ, велоспорт тата йӗлтӗрпе ӑмӑртас енӗпе спортсмен тата тренер пулнӑ. Унсӑр пуҫне вӑл чиркӳсем юсаса ҫӗнетме хутшӑннӑ.

Атте мана ӗҫлеме, анне ҫемьене упрама вӗрентнӗ», — ҫакна палӑртса хӑварнӑ министр хӑйӗн постӗнче.

 

Спорт
cap.ru сӑнӳкерчӗкӗ
cap.ru сӑнӳкерчӗкӗ

Чӑваш Ен спортсменӗ, Патӑрьел округӗнчи Шамиль Вахитов, пиҫҫиххипе кӗрешмелли корэш ӑмӑртура ылтӑн медаль ҫӗнсе илнӗ. Тупӑшу тӗнче шайӗнче иртнӗ, унта тӗрлӗ ҫӗршыври 100 ытла спортмсен хутшӑннӑ.

Шамиль 80 килограмм таякансен виҫе категорийӗнче вӑй виҫнӗ. Вӑл Эльдар Вахитов тата Эльфис Мтиев тренерсем патӗнче ӑсталӑхне туптать.

Хыпар ҫӑлкуҫӗ: https://pg21.ru/news/97990
 

Пӑтӑрмахсем
"Контактри" сӑн
"Контактри" сӑн

Ӗнер ирхи 6 сехетре Патӑрьел округӗнчи Кивӗ Катек ялӗнче пушар тухнӑ. 70 ҫулти хӗрарӑмӑн килӗнче душ пӳлӗмне ҫулӑм ярса илнӗ.

Пушар 7 тӑваткал метр лаптӑк ҫинче алхаснӑ. Малтанлӑха пӗлтернӗ тӑрӑх, пушар юсавсӑр кӗпе-йӗм ҫумалли машинӑна пула тухнӑ. Ҫулӑм алхасма пуҫланӑ вӑхӑтра килте хӗрарӑмӑн хӗрӗ пулнӑ. Вӑл кӳршисем пулӑшнипе пушара ҫӑлавҫӑсем киличченех сӳнтернӗ. Ҫулӑм душ пӳлӗмне, котельнӑя, кухньӑна сиенлетнӗ.

 

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Паян Патӑрьел тӑрӑхӗнчи Вӑрманхӗрри Шӑхаль ялӗнче тӑватӑ ҫын аманнӑ.

Пӑтӑрмах ҫурҫӗр иртни 2 сехетре пулса иртнӗ. «Киа Церато» машина рулӗ умӗнчи 24 ҫулти ҫамрӑк ҫулӑн сылтӑм енне тухса кайса ҫул айккине чӑмнӑ.

Машинӑри 5 ҫамрӑка, ҫав шутра водителе те, пульницӑна илсе кайнӑ. Вӗсем — 20-25 ҫулсенчи ҫамрӑксем. Вӗсенчен пӗрне килне янӑ, ыттисем тухтӑр патӗнче сипленеҫҫӗ.

Чӑваш Енӗн Шалти ӗҫсен министерствинче пӗлтернӗ тӑрӑх, пӑтӑрмаха лекнӗ водителе хӑвӑртлӑха ӳстернӗшӗн административлӑ майпа кӑҫал ҫеҫ 8 хутчен явапа тыттарнӑ.

 

Республикӑра
"Про Город" сайтӗнчи сӑн
"Про Город" сайтӗнчи сӑн

Паян 17 сехетре Ҫӗмӗрле муниципаллӑ округӗнчи Кабаново ялӗнче тӑрук ҫил вӑйланнӑ. Темиҫе пысӑк йывӑҫ хуҫӑлсах ӳкнӗ. Ҫав шутра - хырсем те.

Ҫил вӑйланнӑ кӑна мар, унта пӑр та ҫунӑ. Вырӑнти ҫынсем «Про Город» хаҫата пӗлтернӗ тӑрӑх, пӑр диаметрӗ 1-3 сантиметр таран пулнӑ.

Сӑмах май, нумаях пулмасть Патӑрьел округӗнчи Ҫӗньялта та пӑр ҫуни пирки пӗлтернӗччӗ.

Хыпар ҫӑлкуҫӗ: https://pg21.ru/news/97224
 

Персона
chfila.ru сӑнӳкерчӗкӗ
chfila.ru сӑнӳкерчӗкӗ

Ҫу уйӑхӗн 29-мӗшӗнче Чӑваш Республикин тава тивӗҫлӗ ӗҫченӗ, Чӑваш патшалӑх филармонийӗн «Ҫеҫпӗл» ансамблӗн солистки Ольга Прокопьева 55 ҫул тултарнӑ.

Патӑрьел районӗнчи (халӗ муниципаллӑ округ) Ишлӗ ялӗнче ҫуралнӑскер тӳрех артист пулман. Малтан вӑл васкавлӑ медицина пулӑшӑвӗн службинче медсестрара тӑрӑшнӑ.

Артист пулас ӗмӗт ӑна Ф.П. Павлов музыка училищине илсе ҫитернӗ.

1993-1998 ҫулсенче Чӑваш патшалӑх академи симфони капеллинче, 1998-2005 ҫулсенче Чӑваш патшалӑх юрӑпа ташӑ ансамблӗнче ӗҫленӗ. 2005 ҫултанпа «Ҫеспӗл» ансамбльте юрлать.

«Юрлама эпӗ ачаранах юратнӑ», — тет паян артистка. Ӗҫе вӑл халӗ хавхаланса ҫӳрет. Унта утса мар, чупса ҫитнине пӗлтерет.

 

Республикӑра
"Про Город" хаҫатри сӑн
"Про Город" хаҫатри сӑн

Инкеклӗ лару-тӑру министерстви республикӑра аслатиллӗ ҫумӑр ҫума, ҫил вӑйланма пултарасси пирки асӑрхаттарса смс-ҫырусем ярать. Патӑрьел тӑрӑхӗнче ав пӑрлӑ ҫумӑр ҫунӑ.

Кӑнтӑрла 12 сехет те 40 минутра Ҫӗньялта пӑр самай ӳкнӗ. Ҫакна ҫынсем ӳкерсе «Про Город» хаҫата ярса панӑ.

Хыпар ҫӑлкуҫӗ: https://pg21.ru/news/96952
 

Страницӑсем: 1 ... 4, 5, 6, 7, 8, 9, 10, 11, 12, 13, [14], 15, 16, 17, 18, 19, 20, 21, 22, 23, 24, ... 109
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрне карьерӑра ӳсмелли майсем туса парӗ, анчах ниме пӑхмасӑр йӑлт пӗлме тӑрашни, хӑвӑрӑн позицие ҫине тӑрса ӗнентерни ҫӗнӗ шухӑшсене пурнӑҫа кӗртме чӑрмантарӗ. Тӑрук вӑй пӗтни тупӑша тума чӑрмантарӗ.

Чӳк, 18

1917
109
Аслан Степан Степанович, чӑваш ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑни ҫулне ахаль те пӗлет, ӑсатмасӑр та
хуҫа арӑмӗ
хуҫин ҫитӗннӗ ачисем
пӗтӗм кил-йышпа тухаҫҫӗ
хуҫа хӑй
хуҫа тарҫи
хуть те кам тухсан та
кил-йышри арҫын
ӑсатма тухни — ҫылӑх, юрамасть
хӑнана ӑсатма никам та тухмасть